torsdag, mars 28, 2024
 



Slik skal Vestland bli det leiande verdiskapingsfylket




KONKRETISERER MÅLA: Handlingsprogrammet konkretiserer måla i den regionale planen for innovasjon og næringsutvikling. Det skal forplikte ulike aktørar i fylket til felles innsats for å nå måla i planen. Illustrasjonsfoto frå Florø: Morten Wanvik/Vestland fylkeskommune.

Slik skal Vestland bli det leiande verdiskapingsfylket

Korleis skal vi jobbe for å nå måla i den regionale planen for innovasjon og næringsutvikling? Fylkestinget har vedtatt eit handlingsprogram som gir svar på dette for dei neste fire åra.
I juni vedtok fylkestinget ein regional plan for innovasjon og næringsutvikling. Planen med namnet «Berekraftig verdiskaping - regional plan for innovasjon og næringsutvikling 2021–2033», peikar ut retninga for arbeidet med næringsutvikling og verdiskaping i Vestland dei komande tolv åra. Ambisjonane i planen er store og hovudmålet er at Vestland skal vere det leiande verdiskapingsfylket basert på berekraftig bruk av naturressursar, grøn næringsutvikling og innovasjon.

Planen peikar på fire satsingar som er bransjenøytrale og som gjeld for alle næringane:
• Grøn næringsutvikling
• Areal til næringsutvikling
• Kompetanseutvikling i arbeidslivet
• Innovative og inkluderande samfunn

– Eit viktig verktøy
Handlingsprogrammet konkretiserer måla i «Berekraftig verdiskaping». Det skal forplikte ulike aktørar i fylket til felles innsats for å nå måla i planen.
- Handlingsprogrammet fungerer som eit vegkart. Det viser oss eit tydelegare bilete av utfordringane som ligg føre oss og fortel meir konkret om kva som må gjerast og kven som må gjere det. Det er eit viktig verktøy som vil vere med på å sikre at vi alle saman dreg i same retning, seier fylkesordførar Jon Askeland.

Samarbeid er nøkkelen
Planen skal vere med å styrke Vestland som region for verdsleiande, berekraftig næringsliv. Eit viktig grunnlag for utviklinga er kunnskapen og erfaringane som over lang tid er bygd opp i eksisterande næringsliv. Prosjektet Grøn region Vestland har gitt verdifull kunnskap om potensialet for grøn omstilling i dei ulike regionane i fylket.

- Vi må ta vare på det vi er gode på i dag, legge grunnlag for ny innovasjon på tvers av verdikjeder og gripe nye moglegheiter. Både fylkeskommunen, næringslivet og samarbeidspartane våre i kommunane og resten av verkemiddelapparatet må bidra. Eit godt samarbeid er nøkkelen for å lukkast, seier Askeland.

Det vil også bli utarbeida meir konkrete årsplanar for å sikre at vi har ressursar og verkemiddel til å gjennomføre strategiane i handlingsprogrammet. Kopling til økonomi og budsjett i fylkeskommune vil også skje i desse årsplanane.

Hastar å kome i gang med grøn næringsutvikling
Handlingsprogrammet peikar på fleire viktige oppdrag det er kritisk å kome i gang med. Det viser mellom anna at det er størst potensiale for grøn omstilling gjennom å utvikle heilskaplege prosjekt og utnytte samspel i industrielle hubar. Det blir også viktig å sikre posisjonen som den globalt leiande havregionen, eit arbeid som mellom anna er i gang gjennom prosjektet Havbyen Bergen.

Dekarbonisering av industri og oppskalering av grøne verdikjeder vil krevje stor overføringskapasitet på kraftnettet. For å lukkast med dette treng vi ein plan for å bygge ut den naudsynte nettkapasiteten, både på kort og lang sikt. Her har statlege mynder ein heilt avgjerande rolle.

Det er også viktig å ta vare på det biologiske mangfaldet og matjorda. Vi må nytte naturressursane våre på ein måte som legg grunnlag for eit berekraftig og innovativt næringsliv i heile fylket.

Kompetanse for framtida
Det grøne skiftet vil utløyse ei rekke nye kompetansebehov i privat og offentleg sektor. Ei viktig oppgåve blir å kartlegge og koordinere kompetansebehova og bruke dette som grunnlag for å dimensjonere framtidige utdanningstilbod. Dette inneber mellom anna å vidareutvikle ein modell som kan kartlegge kvar einskild kommune sine kompetansebehov på både kort og lang sikt.

I framtida vil endringar i kompetansebehova skje raskare enn nokon gong før. Eit sentralt aspekt i kompetansearbeidet vil derfor vere å teste ut ulike løysingar for desentralisert og fleksibel utdanning på alle nivå. Det må leggast til rette for at folk kan tileigne seg ny kunnskap og kompetanse gjennom heile livet, og det må kunne gjerast der folk bur til dagleg. Her må fylkeskommunen, utdanningsinstitusjonane, kommunane og partane i arbeidslivet samarbeide for å finne gode løysingar.

Må kartlegge behov for næringsareal
For å møte arealbehovet i framtida er det naudsynt å kartlegge næringslivet sitt behov for areal både på land og i sjø. Eit bidrag kan vere ei felles digital løysing som til ei kvar tid gir oversikt over tilgjengeleg areal i fylket. Dette kan vere krevjande å få på plass, men vil vere til stor hjelp for både kommunar og næringsaktørar. Det blir også viktig å arbeide med å synleggjere potensiale for berekraftige løysingar i allereie eksisterande næringsareal. Dette vil mellom anna handle om å sjå på moglegheitene for attvinning og betre utnytting av eksisterande naturressursar og nye samarbeid mellom ulike industriaktørar.

Ikkje minst er det eit heilt sentralt aspekt i arbeidet med areal er at ny utbygging skal skje på ein skånsam måte som tek i vare naturressursane, biologisk mangfald og dyrka jord.

Fylkeskommunen tek leiaransvaret
Den regionale planen, handlingsprogrammet og dei komande årsplanane er alle saman laga for heile fylket. Fylkeskommunen har leia planarbeidet og har ansvaret for å koordinere arbeidet for å gjennomføre planen.

Heilt frå oppstarten av arbeidet med den regionale planen har det vore ei omfattande involvering frå mange ulike aktørar i fylket. Arbeidet med handlingsprogrammet har vore forankra i eksisterande samarbeidsforum der representantar for næringsliv og kommunar deltar. Næringsforum Vestland har fungert som styringsgruppe.
 




Vestland-fylkeskommune.jpg

Bygginga av nytt kontrollsenter startar til sommaren

Statsbygg har skrive kontrakt på 165 millionar kr med Mesterbygg Ringerike for det nye regjeringskvartalet sitt eksterne kontrollsenter, som skal ... les mer

Nå er Picassos "Fiskerne" en del av A-blokken

I over tre år har den store betongtavlen med Pablo Picassos «Fiskerne» stått midlertidig i en kasse på innsiden av byggegjerdet i ... les mer



Klar for videre faser i NTNU Campussamling

Prosjektet som skal samle fagmiljøene ved NTNU på Gløshaugen i Trondheim, går nå inn i en fase med videre prosjektutvikling- og gjennomføring. ... les mer

Veidekke bygger kontorbygg i Haugesund

Veidekke har fått i oppdrag å oppføre et miljøsertifisert kontor- og næringsbygg på kaipromenaden i Haugesund for Smedasundet Sytti7 AS (Caiano ... les mer



Statsbygg opnar gateutstilling med cowboy-fotografiar

Lei av trauste byggegjerde? No kan du sjå fire fotografi av Vibeke Tandberg når du går forbi byggeplassen til det nye Regjeringskvartalet.

... les mer
Statsbygg kjøper forskningsutstyr for 1,3 milliarder kroner

Statsbyggs største enkeltstående byggeprosjekt, Livsvitenskapsbygget, er i startgropen for storstilt innkjøp av utstyr og inventar. Statsbygg skal ... les mer


Syv ukers skoleturnè for yrkesfag

Et team fra Veidekke legger i dag ut på langtur for å møte elever på ungdomsskoler og videregående skoler fra Agder i sør til Trøndelag i nord. ... les mer

Blir Norges mest miljøvennlige universitetsbygg

Statsråd Karianne Tung er fornøyd med spleiselaget, som skal sørge for at kontor- og undervisningsbygget til Norsk havteknologisenter i Trondheim ... les mer


Veidekke: Verdens første asfaltfabrikk på hydrogen

Takket være et lite industrieventyr ved Veidekkes asfaltfabrikk i Kristiansund er det i høst produsert 3.000 tonn asfalt kun ved bruk av hydrogen ... les mer

Startskudd for NTNU Campussamling

Statsbygg er byggherre når startskuddet går for byggeprosjektet NTNU Campussamling ved nyttår. Konkurransen er allerede i gang om hvem som får ... les mer


D-blokka har nådd høgda si

Det nye regjeringskvartalet reiser seg i Oslo sentrum, og D-blokka har no vakse seg til full størrelse.

... les mer
Statsbygg har laget Samspillsboka

Samspill er avgjørende for å lykkes med store og komplekse byggeprosjekter. Nå har Statsbygg foredlet samspillsmodellen sin og standardisert den i ... les mer





Delte Statsbyggs studentpris i Bergen
Veidekke: Konsernets miljøpris for 2023 til Vei...

Skanska blir entreprenør på C-blokken
Markerte ferdigstillelse av Logistikkbygget ved...

Rekordhøy bevilgning til bygging
Regjeringen styrker arbeidet med energieffektiv...

Grønt lys for Tønsberg tinghus
Konkurranse om minnested i Regjeringskvartalet

Når Veidekke flytter inn i 2024 skal de kunne s...
Imponerende løsninger fra Statsbyggs Summer Int...

Byggavfall blir klimavennlig jord
Grunnstenen på plass for Norsk havteknologisenter

Ny direktør for Statsbyggs utenlandseiendommer
Grønt lys for NTNU Campussamling

Mange bruksområder for gammel betong
Intelligent belysning - 100% drevet av solenergi

Veidekke: Ny milliardkontrakt med Fornebubanen
Regjeringskvartal-innovasjon kan åpne slusene t...

 
 
 
 

 Fylketbygges.no, Vikebuktvegen 17, 6392 Vikebukt
Org.nr. NO 898072622 MVA, Tlf.: 466 13 489
E-postadresse: frisvoll@gmail.com
Ansvarlig redaktør: Odd Einar Frisvoll
 
 
(C) Fylket bygges
123movies